Seirbhísí Tacaíochta d'Fhoghlaimeoirí - Oibrí Teagmhála Pobail

Sonraí teagmhála

Is foras comhordaithe é Meitheal Drugaí an Iarthair (WRDTF) a bunaíodh i mBealtaine 2003. Is aidhm don tascfhórsa sin taighde a dhéanamh d'fhonn freagra a fhorbairt agus a fheidhmiú ar mhí-úsáid substaintí a bheadh comhordaithe agus feiliúnach don réigiún agus cur chuige comhpháirtíochta á úsáid.

Clúdaíonn an WRDTF contaetha na Gaillimhe, Mhaigh Eo agus Ros Comáin agus bunaíodh é mar cheann de phríomh-mholtaí na Straitéise Náisiúnta Drugaí 2001-2008. Is é an aidhm iomlán atá againn an dochar a dhéanann mí-úsáid drugaí do dhaoine aonair agus don tsochaí a laghdú go suntasach trí aghaidh chomhbheartaithe a thabhairt ar chosc, ar chóireáil, ar thaighde agus ar an soláthar a laghdú.

Ról:

Comhordú a dhéanamh ar fhorbairt tionscadal a bhíonn deartha go sonrach le haghaidh a thabhairt ar mhí-úsáid drugaí nó alcóil nó iad a chosc de réir threoirlínte na Straitéise Náisiúnta Drugaí 2001 - 2008.

Seirbhísí:

• Cúnamh a thabhairt do scoileanna agus do ghrúpaí pobail a gcuid riachtanas a chur in ord tosaíochta agus teacht ar na cláir fhrithdhrugaí is fearr a d'fheilfeadh dá gcuid riachtanas.
• 'Roghanna Dearfacha' ar úsáid drugaí a chomhordú agus tacaíocht a thabhairt dóibhsean ar mian leo a leithéid de roghanna a chur ar fáil.
• Stíleanna Maireachtála Sláintiúla a chur chun cinn
• Teagmháil a dhéanamh le gníomhaireachtaí Reachtúla agus Deonacha d'fhonn feasacht a mhéadú faoi cheisteanna maidir le mí-úsáid substaintí agus an tionchar a bhíonn aici go háitiúil.
• Comhthionscnaimh a fhorbairt le gníomhaireachtaí Reachtúla & Deonacha ar mhaithe le tabhairt faoi fhadhbanna áitiúla drugaí.
• Taighde a dhéanamh ar mhéid na mí-úsáide drugaí agus ar fhreagraí cuí a fhorbairt.
• Tacaíocht a chomhordú do dhaoine a lorgaíonn oideachas maidir le mí-úsáid substaintí agus eolas maidir leis na cláir chóireála a bhíonn ar fáil.

Amanna:

Luan - Aoine
Eagraítear amanna a fheileann do na cliaint.

barr an leathanaigh